Quanno nascette Napule

San Pietro nu bellu juorno,
tutto amariggiato e scuntento,
dicette vicin’‘o Pataterno:
“Pare ca ce manca quacche cosa…
ncopp’‘a chesta terra, che saccio..
forze, addò uno se po’ arrepusà! ”
E s’‘o mettette sott’‘o braccio,
e comme duje cumpagne
girajeno pe’ tutt’‘o munno:
pe’ cielo, mare ‘e muntagne,
senza truvà ‘o riesto ‘e niente!
Quanno se facette sera,
se fermajeno a Pusilleco …
e sulo vedennelo ‘o scuro,
se ne annammurajeno!
Dio cu tutt’‘e ddoje mane…
pigliaje ‘nu quarto ‘e luna argienta…
e na vrancata ‘e stelle ,’e cchiù lucente
e allummaje ‘stu piezzo ‘e terra e mare,
e ppo’ ‘a pietto se scippaje ‘o core,
e’ o mettette llà : Dint’a muntagna,
addò ‘o ffuoco nun more maje,
danno vita, sapore e armonia
a chistu piezzo ‘e Paraviso…
purtannélo tanta felicità e alleria!
San Pietro tutto cuntento
facennòse nu pizzo a rriso…dicette :
“ Signò ce avìte miso ‘o nomme…
chistu paese comme se chiamma?
E ll’Onnipotente ‘o rispunnette:
“ Neapolis… Partenope…Napule…
a chesto ce penza ll’ommo! San Piè,
“ Si Signò però tutte ll’hanna sapè
ca chistu paese ‘e ll’ammore
l’ha criato Dio… cu tutt’o core!”

by Massenzio Caravita :)